Paroles
1. Ralligrativi, pasturi,
Ca già è natu lu Missia :
Bettelemmi a li fridduri,
'Sposta 'n brazzu di Maria.
2. A sta nova santa e pia,
Li pasturi puvireddi,
Si parteru, 'n cumpagnia,
Di l'affritti pagghiareddi.
3. Farauti e ciarameddi
A la rutta cci purtaru,
E diversi canzuneddi
A gesuzzu cci cantaru.
4. Sennu junti salutaru
Lu Bamminu e la Signura
Di stu modu cci parranu :
-Vi facemu la bon'ura.
5. -Comu 'ntra 'sta manciatura
Lu videmu a li fridduri ?
Rispunniu la gran Signura :
-Ccussì voli lu Signuri !
