Paroles
1. Verdo coumbo qu’enmouresco
L’oumbro fresco,
L’as vist dins ti roumaniéu.
S’adraia tout pensatiéu
Enterin que caminavo,
Davans lou mèstre d’amour
L’aubre, la planto, la flour,
Se clinavo.
E la coumbo dis
Ero un paradis !
2. Bluio Sorgo que varaies
E cascaies
Au mi tan di roucassoun,
As retengu si cansoun.
Bluio Sorgo, dins sa barco,
Amourous coume n’i’a plus,
L’as pourta dins soun trelus,
Toun Petrarco.
E la Sorgo dis:
Ero un paradis!
3. Parlo-nous toujour de Lauro,
O douco auro!
Tu que, sèmpre à soun coustat,
Caressaves sa bèuta.
Jouino e puro coume l’aubo,
Quand venié dins lou valoun,
Boulegaves soun péu blound
E sa raubo.
E l’aureto dis:
Ero un paradis!
