1. 'Sto sera mi fas languir
’Quelei velhaus de prima
Que feiám en per aqui
Me tu, bèla pichina, pichina.
Ero boscant en la Maluna,
Si siam perduts,
Jamai n’obliderai. (bis)
2. E lestes de bòn matin,
Li segulís ’sclapavan,
Obravo mé lo sapin
Li jainas que calavan, calavan.
Ero boscant en la Maluna,
O que de bòsc,
Jamai n’obliderai. (bis)
3. Li mulas ben attelaus
Tiravan li jainassas,
Cumangles picats de la
’Naquelei serentassas, serentassas.
Ero boscant en la Maluna,
I era tant d’òbra,
Jamai n’obliderai. (bis)
4. Lo frei, se l’avem passat
’M’aquelei trompelieras.
De faisses n’avem ’strassat,
Assostats dintre l’iera, ’tre l’iera.
Ero boscant en la Maluna,
’N’aquel cortil,
Jamai n’obliderai. (bis)
5. Que de raissas enlampiaus,
De brimas e de penas,
De vent siblant, gelat,
Li nuechs de luna plena, ’na plena.
Ero boscant en la Maluna,
Forra passau,
Jamai n’obliderai. (bis)
6. De seraus encaminaus
’N’aquela forestala,
De cançons entamenaus
Bachorlas sus la taula, la taula.
Ero boscant en la Maluna,
Lo cant aisat,
Jamai n’obliderai. (bis)
7. Belessa li berri ros
Sota la coifa blanca,
Ben arramblats, totei dos,
Sota ’na bèla blaca, ’na blaca.
Ero boscant en la Maluna,
Enamorat,
Jamai n’obliderai. (bis)
8. Ai ben setant’ans passats
E parto ’n pauc en luga
E n’es l’ora de laissar
La pichina beluga, beluga,
Que m’a fach corr’en la Maluna,
De costat Dieu,
Jamai n’obliderai. (bis)
