Paroles
1. Sant Josèp ambe Maria
Totis dos van viatjar.
Demandan la retirada,
Deguns los vòl pas lotjar.
2. "Ont anatz tan bèla Dama ?
E l'enfant que vos portatz ?
Vòli l'amagar, brave òme,
Digatz s'aquò se pòt far ?
3. Aquí dejós ma capòta,
Deguns l'i vendrà cercar !
Pren-te lo faucil, brave òme,
Ton blat prèssa de copar !
4. Coma se fariá, Madama ?
Totara l'ai semenat !
Vai-te'n véser sus l'arada !
Anem ! Vai segar ton blat !"
5. La palha dins un quart d'ora
Aviá grandit, espigat,
E dins un autre quart d'ora,
L'espic s'èra amadurat.
6. La primièra gabelada
Ne fasiá un plen braçat,
Mas aquí la banda armada
Dels Josieus emmalierats.
7. "Vèni viste, vièlh segaire,
Quita de segar ton blat !
Ont es passada la maire
Que portava un novèl nat ?
8. Passèt pel temps de cobrida
Quand semenavi mon blat.
Anem, partiguèm brigada,
Aquò-s-èra l'an passat.
Traduction
Le voyage
Saint Joseph avec Marie
Voyagent tous les deux
Ils demandent la retraite
Personne ne veut les loger
Où allez-vous si belle dame
Et l'enfant que vous portez ?
Je veux le cacher brave homme
Dis-moi si cela peut se faire.
