1. Bèn urouso la neissènço,
D'aquéu bèl enfant
Que vèn repara l'éufenso
Déu grand paire Adam !
Viven countènt,
Menen rejouïssènço,
Viven countènt
E nous fachen de rèn.
2. Quito lou sen de soun Paire,
Descènd eiçavau,
E pren, coume noste fraire,
Part à nèsti mau.
Un jour pèr nous
Mourra, sèns ista gaire ;
Un jour pèr nous
Mourra sus uno crous.
3. Téuti li sant patriarcho,
Abram e Jacè,
Isac e Nouvè de l'archo,
N'espèron qu'acè :
Soun eilabas
Qu'éusservon sa demarcho ;
Soun eilabas,
Que comton toui si pas.
4. Bèn que fugon dins la peno,
An toujour au cor
L'esperanço touto pleno,
Que, quand sara mort,
Éu li anara
Desfaire si cadeno,
Éu li anara
E li delivrera.
5. Diéu voudra que ressuscite
Lou tresième jour,
Pièis après faudra que quite
La terro à soun tour :
Dedins lou cèu
Remountara plus vite,
Dedins lou cèu,
Plus vite qu'un aucèu.
6. Tournara pèr èstre juge
Di mort e di viéu ;
Cèrto, n'i'aura res que fuge
La fàci de Diéu.
Vers lis ami,
Quau cercara refuge,
Vers lis ami,
N'en troubara pas gi !
7. D'uno mino fort crudèlo
Dira sus-lou-champ :
Que li flamos eternello
Sien pèr li meichant !
Pèr sis ami,
Uno glèri in mourtello !
Pèr sis amis,
Sa part déu Paradis !
