Paroles
1. A la ciéuta de Betelèn,
Uno Vierge s'es acouchado ;
Li vai uno grando assemblado,
De pertout l'arribo de gènt.
Si noun couneissiéu lou terraire,
Pourrié bèn èstre que diriéu
Qu'es uno fiero de Bèucaire,
O bèn la vilo d'Ais pèr la fèsto de Diéu.
2. Dos o tres ouro davans jour,
Lou menu pople dei vilage,
Carga de burre e de froumage,
Li soun ana faire la court ;
Lei pastres emé lei pastresso
S'en retornon vers seis agnèu :
Aro li vèn que de noublesso
Que li tounbon espés coume leis estournèu.
